Chelsea ka triumfuar 4-1 në udhëtim te Panathinaikosi në kuadër të rrethit të dytë në Ligën e Konferencës.

Pas 22 minutash lojë, Blutë kaluan në epërsi me golin e Joao Felix, me Mykhailo Mudryk që ishte asistuesi.

Ky ishte goli i vetëm në 45 minutat e parë, ndërsa në të dytën u shënuan plotë katër gola.

Në minutën e 49-të, Mudryk dyfishoi epërsinë e Chelseat, ndërsa Pedro Neto ishte në rolin e asistuesit.

Joao Felix (55’) ia doli të shënonte edhe golin e dytë personal kur u asistua sërish prej ukrainasit.

Për 4-0 u përkujdes Christopher Nkunku, që realizoi nga penalltia, duke siguruar fitoren e Chelseat.

Panathinaikosi u ngushëllua me një gol të cilin e shënoi Facundo Pellistri në minutën e 69-të.

Chelsea pas dy ndeshjeve ka pikët e plota (6), ndërsa në rrethin e tretë takohet me Noah. /Telegrafi/